Ֆուտբոլի Իսպանիայի առաջնության 30-րդ տուրում Մադրիդի «Ռեալը» հյուրընկալվեց «Ռեալ Սոսյեդադին»: Հանդիպումն ավարտվել է 2:1 հաշվով՝ հօգուտ «Արքայական» ակումբի:

Ինչպես հաղորդում է «Gracenote Live»-ը, այս հաղթանակը 134-րդն է «Արքայական» ակումբի գլխավոր մարզիչ Զինեդին Զիդանի համար: Այս ցուցանիշով ֆրանսիացի մասնագետն առաջ է անցել Վիսենտե Դել Բոսկեից, որն ունի 133 հաղթանակ: Զիդանն արդեն երկրորդ տեղն է գրավել «Ռեալի» բոլոր մարզիչների շրջանում։ Առաջին տեղում Միգել Մունյոսն է՝ 357 հաղթանակով։

Հիշեցնենք, որ Զինեդին Զիդանը 2016-ի հունվարից մինչև 2018-ի մայիս մարզել էր «Ռեալ Մադրիդը»՝ երեք անգամ անընդմեջ հաղթելով Չեմպիոնների լիգայում: Ֆրանսիացին թիմ է վերադարձել նախորդ տարվա մարտին։

Facebook Comments