Պաշտոնական․ Արտակ Եդիգարյանը՝ «Արարատի» ֆուտբոլիստ

«Արարատ» ՖԱ-ն հայտնում է, որ պայմանագիր է կնքել Արտակ Եդիգարյանի հետ

30-ամյա հայ ֆուտբոլիստի վերջին ակումբը Երևանի «Փյունիկն» էր: Կարիերայի ընթացքում հանդես է եկել «Ալաշկերտ», «Ժալգրիս», «Բանանց» (այժմ «Ուրարտու»),Դոնեցկի «Մետալուրգ» ակումբներում

Եդիգարյանը երկու անգամ դարձել է Հայաստանի Բարձրագույն խմբի լավագույն ռմբարկու՝ 2016/17 և 2017/18 մրցաշրջաններում:

Արտակ Եդիգարյանը Բարձրագույն խմբում խաղալու և տիտղոսներ նվաճելու հարուստ փորձ ունի: Կարիերայի ընթացքում նա 7 անգամ դարձել է Հայաստանի չեմպիոն,ինչպես նաև գլխավերևում է պահել Հայաստանի Գավաթն ու Սուպերգավաթը: Եդիգարյանը նաև տիտղոսներ է նվաճել «Ժալգրիսում»՝ դառնալով Լիտվայի չեմպիոն ու գավաթակիր:

Հայաստանի հավաքականի կազմում նա մասնակցել է ավելի քան 30 հանդիպման: