«Լիվերփուլի» գլխավոր մարզիչ Յուրգեն Կլոպը խոսել է
«Մանչեսթեր Սիթիի» գլխավոր մարզիչ Պեպ Գվարդիոլայի մասին:
«Ես նրան շատ երկար եմ ճանաչում, բայց ինձ համար մինչև հիմա կարևոր է մնալ նրա մրցակիցների թվում։ Ես շատ եմ հարգում նրան։ Իմ կարծիքով ՝ նա աշխարհի լավագույն մարզիչն է։ Մենք կարող ենք հաղթել նրա թիմին, թեև հեշտ չի լինի, բայց անհնար չէ», – ասել է գերմանացի մասնագետը «The Guardian»-ին տված հարցազրույցում։
Նշենք, որ «Լիվերփուլն» ու «Մանչեսթեր Սիթին» միմյանց հետ կխաղան նոյեմբերի 10-ին։ Այս պահին լիվերփուլցիները զբաղեցնում են մրցաշարային աղյուսակի առաջին հորիզոնականը և երկրորդ տեղում գտնվող «Մանչեսթեր Սիթիին» գերազանցում են 6 միավորով:

Facebook Comments