Նորվեգացի հրաշամանուկը պատմություն է կերտում

Չեմպիոնների լիգայի խմբային փուլի երրորդ տուրում «Զալցբուրգ»-ն ընդունեց «Նապոլիին»: Ավստրիական թիմը պարտվեց արդյունավետ խաղում։

«Զալցբուրգի» երկու գոլերն էլ խփել է երիտասարդ Հալանդը, որի համար նրանք 5-րդ և 6-րդ գոլերն են դարձել Չեմպիոնների լիգայի ընթացիկ խաղարկությունում:

Այսպիսով, նորվեգացի ռմբարկուն դարձել է առաջին ֆուտբոլիստը, ով աչքի է ընկել 6 գոլով երեք մեկնարկային հանդիպումներում, հաղորդում է «Opta» -ն:

Նախորդ ռեկորդը պատկանում էր Դրոգբային, ով 5 անգամ աչքի էր ընկել «Մարսելի» մարզաշապիկով Չեմպիոնների լիգայի առաջին երեք խաղերում:

Հիշեցնենք, որ Էրլինգ Հալանդը դարձել է Չեմպիոնների լիգայի խմբային փուլի առաջին տուրի լավագույն ֆուտբոլիստ։