Հայտնի է «Էվերտոնի» տրանսֆերային գլխավոր նպատակը

«Էվերտոնի» ղեկավարությունը կփորձի ձեռք բերել Խամես Ռոդրիգեսին, ով դիտարկվում է, որպես տրանսֆերային գլխավոր նպատակ այս ամառային տրանսֆերային պատուհանի ընթացքում, հայնտում է «Mundo Deportivo»-ն։

Աղբյուրի համաձայն՝ «Էվերտոնի» ղեկավարությունը համոզված է, որ կարող է իրականացնել Խամես Ռոդրիգեսի տրանսֆերը։

Խամեսի պայմանագիրը «արքայական» ակումբի հետ ավարտվում է 2021թ․-ին, և ֆուտբոլիստը ցանկանում է նորից աշխատել Կարլո Անչելոտտիի հետ։

Մադրիդյան ակումբը ցանկանում է բաժանվել ֆուտբոլիստից, ով չի մտնում ակումբի ծրագրերի մեջ։

Նշենք, որ «Էվերտոնը» 28-ամյա ֆուտբոլիստին առաջարկել է 4 տարվա պայմանագիր։

Խամես Ռոդրիգեսը «Ռեալ Մադրիդ» էր տեղափոխվել 2014թ․-ին։